മഞ്ചാടിക്കുരുമണി

എന്നെ സ്നേഹിക്കൂ എന്ന് നീ മുറവിളി കൂട്ടുന്നതെന്തിനാണ്?

ഞാന്‍ നിന്നെ സ്നേഹിക്കുന്നത് നീയറിയുന്നില്ലേ?

പെറുക്കിക്കൂട്ടുന്നയോരോ മഞ്ചാടിക്കുരുമണിയും

എന്‍റെ സ്നേഹത്തിന്‍റെ പ്രതീകങ്ങളാണ്.

ഇപ്പോഴവ പന്തീരായിരവും കഴിഞ്ഞതു 

നീയറിഞ്ഞില്ലയെന്നു ഭാവിക്കുന്നതെന്തിനാണ്?

നിനക്കെന്നോടുള്ള സ്നേഹം നൈമിഷികം മാത്രമാണ്.

എന്‍റെ ശരീരം മണ്ണോടു ചേരുന്നതോടൊപ്പം അതുമവസാനിക്കുന്നു.

എന്നാലെന്‍റെ സ്നേഹം തലമുറകളോളം പാടിനടക്കുവാന്‍ 

ഞാനെന്‍റെയാത്മാവിനെ പഠിപ്പിച്ചിരിക്കുന്നു.

അതെന്നും നിന്നെ വേട്ടയാടിക്കൊണ്ടേയിരിക്കും.

ഇനി നിനക്ക് സമാധാനിക്കാം!!