പുനര്‍ജനി

ഇറങ്ങിത്തിരിച്ചതാണ് ഞാൻ...

ഇന്നലെയുടെ ഇരുണ്ട ആഴങ്ങളിലെ കരിഞ്ഞ സ്വപ്നങ്ങളെ
കുഴിവെട്ടിമൂടാൻ...

വിടരുംമുൻപേ വാടിയ പൂമൊട്ടിനെ തല്ലിക്കൊഴിച്ച്
വീണ്ടും പൂക്കാൻ...

മൃതിയിൽ നിന്നും പുനർജനിയിലേയ്ക്കുള്ള
ആഴമളക്കാൻ...

ഇവിടെയെനിക്കു ശ്വാസം മുട്ടുന്നു... 

ഭയത്തിന്‍റെ നിശാവസ്ത്രമെന്‍റെ ത്വക്കിലൊട്ടിച്ചേർന്നുപോയിരിക്കുന്നു...

ഈ അവസാന നിമിഷത്തിലിനിയൊരു തിരിച്ചുപോക്കില്ല... 

അത് സാദ്ധ്യവുമല്ലല്ലോ!